Pilason ang tatlo ka mga pahinante matapos nagbaliskad ang ila ginasakyan nga truck nga may karga sang sinako nga mais sa Brgy. Batabat, Maayon, Capiz.
Ginkilala ang mga napilasan nga sanday Jason Dinosca, 29-anyos, Joshua Anoche, 24-anyos kag Romel Vinosa, 21-anyos.
Sandig sa imbestigasyon sang Maayon Municipal Police Station, samtang ginamaneho ni Jobert Villarenia ang elf truck padulong kuntani sa nasambit nga banwa apang pag-abot sa buslugon nga bahin sang Brgy. Batabat hinali nalang ini nadulaan sang kontrol sa pagmaneho.
Bangud sa natabo, nagbaliskad ang amo nga truck, nagkalahulog ang tatlo ka mga pahinante kag nagkalaula man ang mga mais nga karga sini.
Madasig naman nga nagresponde sa lugar ang Maayon Emergency Response Team kag Maayon BFP agud dapatan sang pauna nga pagbulong ang mga biktima kag ginpadangat sa Bailan District Hospital. | Judy Ann Juare
