Giklaro ni Kapitan Allan Simo-ag sa Barangay Lasang ning dakbayan sa Davao nga wala sumala pa nila gidid-an ang mga trisikad drivers nga mamasada kung dili kini bakunado batok Covid-19.
Kini human gibutangan og tagging ang mga tricycle ug trisikad drivers nga fully vaccinated kini batok sa maong virus.
Target sumala pa sa maong Barangay nga makabutang og 150 kabuok nga stickers sa mga tricycle ug trisikad.
Una ng gibutyag ni Brgy. Lasang Kapitan Simo-ag, nga usa matud pa nila kini nga lakang aron madertimina kung si kinsa ang wala pa nabakunahan nga mga trisikad drivers ingon man makapa-awhag kini nga magbakuna na sila aron ma proteksyon ang kaugalingon ug ilang mga pasahero.
Kahinumdoman nga una na sab nagmuntar og house tagging ang Barangay Lasang aron masayran kung si kinsa pang mga residente o panimalay ang wala pa nabakunahan batok Covid-19.
