CALATAGAN – Arestado ang isang tricycle driver na tulak umano ng iligal na droga sa ikinasang buy bust operation sa Brgy. Poblacion IV, Calatagan, Batangas
Kinilala ang suspek na si Edward Mercado y Abinoja, 44 anyos at residente ng Poblacion 1, Calatagan, Batangas.
Ayon sa Calatagan Municipal Police Station, nakuha mula sa suspek ang limang sachets ng pinaniniwalaang Shabu at P500 na marked money.
Narekober rin ng mga awtoridad ang minamaneho nitong tricycle.
Nakakulong na ang suspek at nahaharap sa kasong paglabag sa Sec. 5 & 11, Art. 2 ng RA 9165 o Comprehensive Dangerous Drugs Act of 2002.
