Nangin madinalag-on ang ginhiwat nga traslacion sang Hesus Nazareno Mission Station halin sa Immaculate Conception Metropolitan Cathedral padulong sa San Antonio, Brgy. Baybay, Roxas City.
Madamo nga mga deboto ang nagdagsa kag nag-upod sa traslacion kun sa diin gingamit ang one lane traffic kag ginsarado man ang pila ka mga karsada sa syudad.
Sa interview sang Brigada News FM Roxas City kay Erwin Oroceo, Kapitan sang Barangay Baybay, ginpahayag sini nga nagapasalamat siya nga madamo ang nag-upod sa traslacion kag nangin maayo man ang pag-assist sang mga katapo sang traffic management unit.
Naka-stanby man ang mga rescue team agud inkaso nga may maglain ang pamatyag ila gilayon nga marespondehan.
Nagalaom naman si Oroceo nga sa sunod nga tuig magdamo pagid ang maga-upod nga deboto sa nasambit nga kahiwatan. | Judy Ann Juare
