LEGAZPI CITY – Pigsyerto kan gobyerno-probinsyal kan Albay an ‘transparency’ sa pag-gastos kan P500M na loan para maipago an Josefina Belmonte Duran Albay Provincial Hospital (JBDAPH) sa siyudad kan Ligao.
Segun Gov. Atty. Edcel “Grex” Lagman, napapanahon na subuot asin kaipuhan na mag-utang para sa pagpapakaray kan naunambitan nang ospital.
An pagpapakaray kan JBDAPH nakapalaog sa ordinance no. 008-2023 kung sain ma-utang an gobyerno probinsyal kan Albay nin kwartang pampondo na nagkakantidad nin P512-M sa Development Bank of the Philippines (DBP) para sa complete construction kan hospital facilities asin pagbakal kan mga gamit asin supply para sa JBDAPH.
Sinabi pa ni Lagman na nag-agi sa mabusising pag-aadal asin proseso an naunambitan nang ordinansa bago ini maaprubahan.
