GIKUMPERMA sa labaw sa Special Bids and Awards Committee sa syudad nga anaa na sa Stage 1 ang Traffic Signalization ug Synchronized CCTV Camera.
Sumala kay SBAC Chairperson Leonard Flores nadawat daw nila ang proyekto kaniadtong bulan sa Hulyo ug anaa na karon sa stage 1.
Sumala kay Flores nga pinasahe ang mao nga proyekto nga giusa ug dili susama sa naandan nga simple bidding ang ilang himuon kondili duha ka ang-ang sa bidding process ang agian.
Miaging adlaw gihimo ang pre bid conference kung asa ang mga potential bidders gihatagan og higayon nga makapangutana sa bidding documents, sa konsepto sa proyekto ug uban pa nga mga pangutana nakahukom usab ang SBAC nga maghimo sa duha ka Supplemental Bid Bulletin aron matabangan ang potential bidders.
Gikumperma usab ni Flores nga nigawas usab sa mga pangutana kon wireless o kaha fiber optic ang gusto sa syudad, kabahin daw kini sa technical specifications apan magdepende na daw kini kung unsa ang proposal sa bidders kinahanglan lang nila kombinsihon ang SBAC kay usa sa ginalantaw kung asa mas makasigurado ang syudad. ( Ever Diazon)
