NABALAKA ang mga trabahante ug ubang residente sa Dr. Jorge P. Royeca Hospital human nga napusilan ang usa sa CSU member sa maong pasilidad milabay nga adlaw.
Gibutyag ni Edwardo Quiachon, Civil Security Unit (CSU) Supervisor sa Dr. Jorge P. Royeca Hospital nga hugot gayud ang ilang ginahimo nga pagbantay sa sulod ug gawas sa maong ospital.
Dugang pa niini wala usab matud pay kakulangon ang mga membro sa CSU tungod miagi sila og pagbansay ug aksidente matud pa ang nahitabo niadtong higayona.
Nakasinati usab og kahadlok ang mga residente sama sa mga tindera ug mga drayber sa gawas sa maong ospital dihang nadungog nila ang pipila ka buto sa pusil sulod sa maong pasilidad.
Anaa na usab sa luwas nga kahimtang ang CSU member nga si Juanito Galagaran. Samtang nagpabilin usab sa sulod sa maong ospital si Juru Bosong Ghul, diin hugot usab kining gibantayan sa mga otoridad. ( Enamie Mogpon)
Photo: Richel Gubalani
