HUGOT nga nagpahimangno si PMajor Oliver Pauya, labaw sa Traffic enforcement unit sa GenSan sa mga ginikanan nga dili tugotan ang mga anak nga malambigit sa drag racing tungod kinabuhi ang posibleng mabutang sa alanganin.
Segun niini sukad nga siya nahimo matud pa siyang pulis dili moubos sa usa ka gatus ang mamatay tungod sa drag-racing.
Importante matud pa nga magiyahan sa mga ginikanan ang ilahang mga anak aron malikay sa disgrasya.
Ang pahinomdom sa opisyal dungan sa pagkabangga-patay sa 17-anyos nga motorista sa Fil-am road, Barangay Fatima, GenSan nakalabay nga semana.
Nanawagan sab si PMajor Pauya sa mga sakop sa matag police station sa syudad nga pakusgan ang ilahang pag-roving sa mga kadalanan ilabi na sa dis-oras sa kagabhion aron masita ang mga batan-on nga nagapalumba sa ilahang mga motorsiklo. I Enamie Mogpon