Subling gipahinumdoman sa City Transport and Traffic Management Office (CTTMO) ang publiko nga adunay ipatuman karong adlawa, Enero 15, 2024 nga traffic plan sa dalan paingon sa Shrine of holy Infant Jesus of Prague.
Kini gumikan sa kasaulogan sa ika-56 nga anibersaryo sa moang simbahan.
Ipatuman ang one-way vehicular traffic gikan Pluto St. padulong sa nasiradong opisina sa usa ka TV network, regulated no entry sa may Cor. C.P Garcia highway padulong Shrine Hills road ug ang parking area nahimutang sa mga desiganted nga parking area ug sa mga pribadong bakanteng luna. Samtang regulated no Entry sa Pluto St. padulong sa simbahan gikan alas-3:00 sa hapon.
Kahinumdoman nga una nang gilauman nga dagsaon sa kapin kon kulang 50,000 ka mga deboto ang maong simbahan.
Gani, andam na usab ang Davao City Police Office diin dunay 80 ka mga personahe ang gideploy nga maoy magmonitor paibot sa simbahan.
