Mas pakusgan ug palig-onon pa ang disaster preparedness sa Davao Region aron nga malikayan ang casualties sa umaabot.
Kini ang tumong sa Presidential Assistant for Eastern Mindanao sa nahimo niining pakigtagbo ni Office of Civil Defense 11 Regional Director Ednar Dayanghirang sa milabay nga semana. Dili lamang sa pampubliko apan lakip sa mga pribadong sektor.
Gibutyag sa opisyal nga kinahanglang ang mga eskwelahan adunay daghang disaster resilience and management training aron maandam ang mga estudyante sa bisan unsang mga panghitabo.
Gani, gihan-ay na ang mga schedule alang sa disaster training sa mga tulonghaan.
