LEGAZPI CITY – Piglalaomang mapakusog kan local tourism an ibibugtak na Tourist Rest Area sa Tabaco City, Albay bilang primerong probinsyang lalaganan kaini sa bilog na Bicol Region segun sa Provincial Tourism, Culture and the Arts Office.
Sa intrevista kan Brigada News FM Legazpi kay PTCAO head Dorothy Colle, sinabi niya na an TRA, nagtataong imprastraktura sa mga tourists destination na igwang potensyal na mag-ako ki dakol na mga turista. Segun kay Colle, pupunan na ini asin nasa 120 aldaw an pagtrabaho kaini.
Obheto su boot kan TRA na matawan ki comfort an mga turista.
Sa paagi kani, makakakua ki mga impormasyon an mga turista manungod sa lugar na bibistahon, maeeksperyensyahan ninda an paggamit ki mga malilinig na comfort room, asin maisho-showcase man an mga lokal na produkto kan lokal na gobyerno.
Dugang pa ni Colle, libre ining maa-avail kan mga turista nganing maeksperyensyahan an comfort asin matawanan ki asistensya.
Mientrastanto, posibleng nasa 20 katawo o turista an pwedesir maakomodar sa ibubugtak na TRA.
