Arestado an usa nga Top 6 Regional Level Priority List ha gindumara nga buy-bust operation han mga operatiba ha Brgy Buray, Paranas Samar, dida han Abril 3, 2023.
Ginkilala an suspek nga hi alyas Olan, 51 anyos, waray trabaho, residente han Brgy. Apolonia, Paranas, Samar.
Ginpangunahan an mao nga operasyon han mga personnel han Samar Police Provincial Office-Provincial Drug Enforcement Unit, Provincial Intelligence Unit, Paranas Municipal Police Station ngan Philippine Drug Enforcement Agency Regional Office 8.
Nakumpiskar tikang ha suspek an usa kasachet han gintutuohan nga shabu nga nagkakantidad P4,000 (Subject of Sale), 500 peso-bill, Php 4,000.00 (Bogus Money) ngan mga drugs paraphernalia.
Naatubang na an suspek ha kaso nga pagtalapas ha RA 9165 o Comprehensive Dangerous Drugs Act of 2002.
