Base sa mga report, ro nagapanguna nga drug suspect it Western Visayas nga si Ernesto “Erning” Bolivar hay gintamaan it COVID-19 infection ku nagtaliwan nga dominggo ag insigida raya nga ginpa-cremate.
Pero uwa pa raya nakumpirma it Iloilo Police Provincial Office (IPPO).
Base kay Police Colonel Gilbert Gorero, IPPO head, nakabaton sanda it report kaangut sa insidente pero uwa pa it kumpirmasyon rayang balita bangud uwa pa sanda it ginakaptan nga medical certificate.
Kaangut dikara, ro mga personnel it IPPO hay nag-adto sa pamilya ni Bolivar sa banwa it Pototan para mataw-an it linaw ro insisente, pero ginpamalibaran eamang raya it pamilya ni Bolivar.
Nagapati ro Police Regional Office 6 (PRO-6) nga naglagiw si Bolivar sa Manila agud malikawan nga maaresto sa rehiyon.
Matandaan nga may warrant of arrest si Bolivar bangud sa pageapas sa Comprehensive Dangerous Drugs Act of 2002 (Section 5, Article II).
Ro nasambitan nga drug persona hay na-tag bilang No. 1 drug personality sa rehiyon matapos ro pagkamatay it mga drug lord nga kanday Melvin Odicta Sr. ag Richard Prevendido./JIL B. LACSON
