Gin-alerto it Regional Disaster Risk Reduction and Management Council (RDRRMC) ro mga residente it Western Visayas sa mga posible nga epekto it Tropical Storm (TS) “Maring” ag ro low pressure area (LPA) nga dati nga Tropical Depression “Nando”.
Matandaan nga nagmerge ro LPA nga “Nando” sa mas mabaskog nga “Maring” ku Sabado it gab-i.
Kaangut dikara, ro RDRRMC-6 nga ginapamunuan ni Office of Civil Defense-6 director, Jose Roberto Nuñez, hay naghiwat it sambilog nga Pre-Disaster Risk Assessment (PDRA) agud malatag ro mga kinahangeanon nga pagpahaom.
Umapela man si Nuñez sa publiko nga maging alerto ag indi maging kampante bisan uwa pa it mga ginpataas nga storm signal warning it bagyo sa rehiyon.
Samtang, ro maeain-eain nga katapo it gobyerno kapareho it Department of Social Welfare and Development (DSWD) Region 6 ag Department of Interior and Local Government (DILG) 6 hay nagapahaom man kung may matabo nga mga rescue operations.
Ginpahanumduman it OCD-6 ro tanan nga mga Local Disaster Risk Reduction Management Council nga maging alerto ag padayon nga subaybayan ro andang mga area of responsibility ag makipagcoordinate sa RDRRMC Operations Center./JIL B. LACSON
