Sugatan ang driver ng rolling bakery matapos araruhin ng jeep ang 2 motorsiklo.
Nangyari ang insidente alas-5 ng umaga, Huwebes, Hunyo 13 sa Salinas Drive, Cebu City.
Kinilala ang biktima na si Kinkin Birases, 24-anyos na nagtamo ng sugat sa noo at kamay.
Ayon sa mga otoridad, nakaidlip ang driver ng jeep habang nagmamaneho kaya bumangga sa motorsiklo, sa lakas ng impact dumiretso ito sa isa pang motorsiklo.
Nagkalat pa sa kalsada ang mga paninda nitong pandesal.
Aminado naman ang driver ng jeep na kulang siya sa tulog dahil sa pagtatrabaho.
