Patay na sang nasapwan ang isa ka tigulang sa Barangay Bungsuan, Dumarao, Capiz.
Ginkilala ang biktima kay Evangelyn Candelario, residente sang nasambit nga lugar.
Sandig sa Dumarao Municipal Police Station, nasapwan sang isa ka residente ang tigulang nga wala na sang kabuhi kag ginapahayag may tubig nga nagaguwa sa iya nga baba.
Nahibaluan nga nagasuprehir sang balatian nga highblood ang biktima kag posible ini nga gin-atake rason sang iya kamatayon.
Sa karon, yara na sa isa ka punerarya ang bangkay sang biktima kag ginpaidalom na sa postmortem examination. | Judy Ann Juare
