Patay ang isa ka senior citizen matapos gintiro sang ginaalegar escopita Barangay Jambad, Dumarao Capiz.
Ginkilala ang biktima kay Abdolino Dela Costa, 81-anyos samtang ang suspek amo si Jesus Haguisan, 68-anyos, lunsay mga residente sang nasambit nga barangay.
Sandig sa Dumarao Municipal Police Station, nag-angkon sang wala pag-intindihanay ang biktima kag ang suspek kun sa diin hinali nalang gintiro ni Haguisan sang escopita si Dela Costa kag naigo ini sa liog nga gintunaan sang iya kamatayon.
Madasig naman nga nagpalagyo si Haguisan matapos ang nakumiter nga krimen.
Daan nga hiligut-anon ang ginalantaw nga motibo sa nasambit nga insidente.
Sa karon, ginahulat nalang sang kapulisan kun magapasaka sang kaso ang pamilya sang biktima batuk sa suspek. | Judy Ann Juare
