NAGPASALAMAT sa Brigada News FM GenSan ang usa ka tigbaid og gabas sa Purok Islam, Barangay Dadiangas North human kini nakadawat og P500 isip premyo sa ‘Brigada Mahiwagang Tanong’.
Si Eduardo Jenotan taga Rajah Muda, Barangay Bula tigpaminaw sa 89.5 Brigada News FM sulod matud pa sa duha ka tuig. Sumala niini ganahan siya maminaw sa Brigada tungod tinood ug bag-o kanunay ang mga balita ug daghan ang makalingaw nga programa.
Nagapaminaw kini matag adlaw samtang siya nagatrabaho sa pagbaid og mga gabas sa iyang kostumer. Kapin 20 na katuig na siyang nagabaid og gabas sa nahisgotang lugar nga maoy iyang panginabuhian sa pagpa-eskwela sa iyang mga anak.
Wala nagdahom ang nasangpit nga siya ang mahatagan sa maong premyo. Nalipay usab kini tungod duna na siyay ipalit og bugas alang sa pamilya. I Enamie Mogpon
