POSIBLENG moresulta sa temporaryong pag-undang sa operasyon sa pipila ka ‘player’ sa fishing industry sa GenSan. Ang ika-11 na ka semana nga sunod-sunod nga pagsaka sa presyo sa produktong petrolyo.
Matud ni Dominique Salazar, Presidente sa Soccsksargen Federation of Fishing and Allied Industries Inc. (SFFAII) naa sa 80% sa ilang operasyon ang naka-angkla sa produktong petrolyo. Hinungdan nga sa matag- karon og unya nga pagsaka sa presyo usa sila sa hilabihang apektado.
Tungod niini, nanawagan si Salazar sa gobyerno nga suspendihon usa ang pagpahamtang og ‘excise tax’ sa mga produktong petrolyo. Lakip sa hangyo nila ang pag-undang sa ‘fish importation’, Agosto 2021 giaprubahan sa Department of Agriculture (DA) Sec. William Dar.
Ang pag-import og naa sa 60,000 metric tons nga dugang sa kasamtangang local fish production alang sa gilaomang closed fishing season Gibutyag ni Salazar nga kung dili kini mahimo ug mopadayon ang ‘fuel’ price increase liboan ka trabahante sa panagat lakip na sa tuna canneries ang mawad-an og trabaho. I Richel Gubalani
