DISMAYADO ang ilang gibati karon ug na-insulto kay na-degrade ang ilang pagka magtutudlo sa kantidad nga P2,500 pesos nga insentibo gikan sa Local Government Unit sa General Santos City gumikan sa kadugay ug dili maayong proseso sa releasing.
Sa boluntaryo nga pahayag sa usa ka principal gikan sa usa ka tulunghaan nga adunay kapin 60 ka mga sakop nga magtutudlo, nagapasalamat daw sila sa insentibo gikan sa LGU Gensan kay makatabang kini kanila apan dismayado sila sa sistema.
Sumala pa, nga una sa ilang obserbasyon wala na nasunod ang health protocol kay nagadasok sila, ikaduha ang ilang cedula nakuha nila sa barangay apan gipakuha ug gipabayad pag-usab ang ubang magtutudlo nga nagpila.
Natingala daw sila nga gikwenta usab ang ilang gibayran sa cedula nga nagadeklara man sila sa ilang salary grade sa barangay, unya adunay mga magtutudlo nga mangasama ang salary grade apan dili parihas ang gibayad sa cedula.
Sa dugang pahayag sa principal, dapat organisado gayod kay sa kadaghan sa mga magtutudlo na-irita na ang mga incharge mao nga adunay dili maayong komento ug makaulaw sa bahin sa mga magtutudlo.
Ang dugang nga komento sa principal wala pay priority nga gihatag sa mga edaran na ug mga mabdos.
Tungod niini ginapaabot niini sa LGU nga unta sa sunod dili lang usa ka adlaw ang igahin sa releasing unya daghan nga mga personahe ang ibutang aron dili madismaya ang mga magtutudlo, daku man ang P2,500 nga insentibo apan murag dili daw kabayad sa ilang hago sa pila.
Kahibaluan nga una na nga gipahibalo sa City Treasuers Office nga ‘by district’ ang releasing unya daghan ang incharge, ang venue sa investment Building, March 12, 2022. I Ver Diazon
