MIDUSO na og resolusyon ang pamilya Olarte sa DPWH national nga maimbestigahan ang proyekto sa pagpasemento sa dalan pasulod sa Doña Soledad Subd., Brgy.Labangal.
Kini ang gikumpirma ni Boy Olarte, urban poor leader ug claimants sa Hacienda Olarte Hermanos nga under court litigation pa ang maong luna.
Dugang ni Olarte nga peke ang deed of donations sa Tiera Minerva nga gihatag sa LGU tungod walay source of origin ang titulo.
Mas maayo matud pa nga dili una ipadayun ang pagpasemento tungod kung mahitabo, aduna matud pay manubag.
Kahibaluan nga ang isementuhon nga dalan ang kabahin matud pa ni Olarte sa ilang 973 hectares nga may certification ang ilang titulo gikan sa Register of Deeds sa Kidapawan itandi sa laing claimants matud pa nga Espina and Madarang nga peke ang titulo.
Samtang alang kang Edwin Guinokod, chairman sa Phase 3A sa Doña Soledad Subd nga dugay na silang nag-antus sa lubakon nga dalan unta madayun na ang pagpasemento ug ipadaplin ang pulitika tungod ang katawhan ang naga-antus.
Dugang ni Olarte andam silang mohatag og deed of donations alang sa maong luna kung sila ang sulatan sa barangay o sa LGU, apan alang kaniya, mas maayong dili una ipadayun gawas nga eleksyon pa tungod ginalantugian pa sa korte ang maong luna.
