Ginpahayag ni Commission on Population (PopCom) regional director Harold Alfred Marshall nga “very alarming” ro sitwasyon it teenage pregnancy sa Western Visayas.
Base kana, dag-on 2020, may 8, 409 nga mga kabataan nga babaye sa tunga it 10 hasta 19 dag-on ro nagnabdos ag nag-unga sa rehiyon.
Ro pinakabata nga kaso it teenage pregnancy hay sangka 11 dag-on nga bata nga babaye halin sa Silay City, Negros Occidental.
Base pa sa datos, siyam sa kada 100 live birth ku 2020 nga narekord it Philippine Statistics Authority (PSA) hay mga teenage pregnancy.
Dugang pa it nasambitan nga report, ro Negros Occidental ro may pinakamataas nga kaso it teenage pregnancy nga nagaabot sa 2,912 o 34.63; nagapangaywa ro probinsiya it Iloilo nga may 2,317 kaso ag pangatlo ro Capiz nga may 956 nga kaso.
Base man sa direktor, ro mataas nga teenage pregnancy rate hay pwede maging sambilog ka enabling factor sa pagbahoe it populasyon it nasyun./JIL B. LACSON
