BNFM BICOL—Lifted na ang Tropical Cyclone Wind Signal sa alinmang bahagi ng Bicol region dulot ng Tropical Storm Dante.
Base ito sa Tropical Cyclone Bulletin No. 19 ng Pagasa na inilbas kaninang alas 11:00 ng tanghali.
Samantala, nakalimang landfall na ang bagyo hanggang kaninang mag-aalas 9:00 ng umaga.
Ayon sa Pagasa, una itong tumama sa Sulat, Eastern Samar alas 8:30 kagabi; sunod sa Cataingan, Masbate ala 1:00 ng madaling araw kanina; ikatlo sa Balud, Masbate alas 3:30 ng umaga; ikaapat sa Romblon, Romblon alas 8:00 ng umaga at ikalima sa San Agustin, Romblon alas 8:50 kaninang umaga.
Huling namataan ang sentro nito sa Northwestern coastal waters ng Romblon, Romblon o 115 km Timog Silangan ng Calapan City, Oriental Mindoro (12.8°N, 122.0°E).
Taglay nito ang lakas ng hanging aabot sa 65 km/h at pagbugsong 90 km/h sa bilis na 25 km/h sa direksyong pa-Hilagang Kanluran.
Nakataas pa rin ang SIGNAL NUMBER 2 sa:
- Romblon
- Marinduque
- northern at central portion ng Oriental Mindoro (Roxas, Bongabong, San Teodoro, Puerto Galera, Baco, City of Calapan, Naujan, Victoria, Socorro, Pola, Pinamalayan, Gloria, Bansud)
- northern at central portion ng Occidental Mindoro (Sablayan, Santa Cruz, Paluan, Mamburao, Abra de Ilog, Lubang Islands)
- Batangas
- Cavite
- Bataan
- southwestern portion ng Bulacan (Calumpit, Bulacan, City of Malolos, Paombong, Hagonoy)
- western portion ng Pampanga (Masantol, Macabebe, Sasmuan, Lubao, Floridablanca, Porac, Guagua, Santa Rita, Angeles City, Mabalacat City, Minalin, Bacolor)
- Zambales
- western portion ng Tarlac (Bamban, Capas, San Jose, Mayantoc, Camiling, Santa Ignacia, San Clemente
- western portion ng Pangasinan (Bolinao, Anda, Bani, Agno, Burgos, Infanta, Dasol, City of Alaminos, Mabini, Sual, Labrador, Bugallon, Aguilar, Mangatarem, Bayambang, Urbiztondo, Basista, Malasiqui, San Carlos City, Santa Barbara, Mangaldan, Dagupan City, Calasiao, Binmaley, Lingayen)
SIGNAL NUMBER 1 sa:
- northern portion ng Palawan (Calamian Islands, Cuyo Islands)
- Nalalabing bahagi ng Oriental Mindoro,
- Nalalabing bahagi ng Occidental Mindoro
- western portion ng Quezon (Lucena City, City of Tayabas, Pagbilao, Lucban, Sariaya, Candelaria, Dolores, Tiaong, San Antonio, Padre Burgos)
- western at central portion ng Laguna (Luisiana, Pagsanjan, Santa Cruz, Majayjay, Magdalena, Liliw, Nagcarlan, Pila, Victoria, Rizal, San Pablo City, Calauan, Bay, Alaminos, Los Baños, City of Calamba, Cabuyao City, City of Santa Rosa, City of Biñan, City of San Pedro)
- Metro Manila
- Rizal
- Bulacan
- Nalalabing bahagi ng Pampanga
- Nalalabing bahagi ng Tarlac
- western portion ng Nueva Ecija (Cabiao, San Antonio, City of Gapan, San Isidro, San Leonardo, Jaen, Zaragoza, Licab, Guimba, Cuyapo, Nampicuan, Talugtug, Quezon, Aliaga, Santa Rosa)
- Nalalabing bahagi ng Pangasinan
- southern portion ng Benguet (Itogon, Tuba, Sablan, Baguio City, La Trinidad, Kapangan, Tublay)
- La Union
Base sa Track and Intensity Outlook ng Pagasa, ang Tropical Storm Dante ay patuloy na kikilos sa direksyong northwestward at maaaring dumaan sa malapit sa bisinidad ng Oriental Mindoro o southwestern portion ng Batangas bago ito magbabago ng direksyon pa-Hilagang Kanluran at muling magla- landfall sa Bataan mamayang gabi.
Daraan naman ito sa Zambales at Pangasinan area at lalabas sa West Philippine Sea bukas ng umaga.
Matapos ang ilang beses na pagtama sa kalupaan ng Luzon ay inaasahang hihina ang bagyo bilang isang Tropical Depression bukas.
Kaugnay nito ay inaabisuhan ang publiko na manatiling maging alerto at mag antabay sa update ng Pagasa.#
