Huli ang tatlong lalaki matapos ang ikinasang seaborne patrol operation ng mga awtoridad sa Barangay Pinagsakayan, Calauag, Quezon nitong Linggo, Hunyo 9.
Gamit ang nirentahang bangka, naharang ng mga awtoridad ang grupo na iligal na nangingisda sa katubigan na sakop ng nasabing barangay.
Nakumpiska sa mga naaresto ang isang bangka na nasa ₱200,000 ang halaga, fishing paraphernalia na nagkakahalagang ₱150,000 at mga nahuling isda na nagkakahalagang ₱3,500.
Samantala, ikinustodiya ng mga awtoridad ang mga nadakip para sa kaukulang dokumentasyon at disposisyon.
