Napasakaan na sang kaso nga paglapas sa Presidential Decree 1602 ukon Illegal Gambling Law ang tatlo ka persona nga nadakpan sa akto nga nagapatigayon sang iligal nga pagbulang sa Brgy. Acuña, Tapaz, Capiz.
Matandaan, ginkilala ang mga nagkaladakpan nga sanday Alyas Nonoy, 41-anyos; Alyas Toto, 31-anyos lunsay mga residente sang nasambit nga lugar kag Alyas Bobet, 52-anyos, residente naman sang Brgy. Garangan, Calinog, Iloilo.
Narekober sa ila paghinakop kag kontrol ang anom ka buhi nga manok nga pambulang, P800 nga bet money kag duha ka bulang ukon Gaff.
Nagapabilin sa gihapon ang mga ini sa Tapaz PNP para sa nagakaigo nga disposisyon. | Judy Ann Juare
