LEGAZPI CITY – Tinawan-pagbisto kan lokal na gobyerno nin Daraga an saindang mga empleyado sa Program on Awards And Incentives For Service Excellence (PRAISE) para sa bulan nin Nobyembre.
Ini sa pangengenot nin Mayor Awin Baldo kun sain 8 personahe an pigrekognisar sa manlain-laing kategorya siring kan Matapat at Maaasahang Kawani award, Pasado award, Achiever’s award (individual level).
Sa nasambit na awarding, nakua kan Municipal Health Office, Municipal Social Welfare and Development Office asin Municipal Planning and Development Office an Achiever’s award.
Parte kan saindang mga naresibe an cash incentives, sertipiko, gift certificate, customized mug asin fruit package.
Saro ining paagi ngareg pasalamatan asin marekognisar an marhay na serbisyo sa publiko kan saindang mga personahes.
