LEGAZPI CITY – Maabot sa 200 na mga manok an naresibe kan Daraga Municipal Agricultural Services Office (MASO) hale sa Department of Agriculture (DA) Bicol.
An mga hayop, itinao para sa mga paraoma na mga miyembro kan Anislag Upland Farmers Association sa nasambit banwaan.
Saro ining inisyatibo asin parte kan mga lakdang para sa pagpapakusog kan livestock program na pigbubusol kan ahensiya.
Tuyo kaini na makatabang sa pagpapakusog kan sektor kan agrikultura.
Parte man kan ini kan six-point development agenda na Agricultural Boost and Modernization.//
