Inilunsad na ng Commission on Elections (COMELEC) ang isang task force na tututok sa pagsugpo ng disinformation, misminformation, at malinformation para sa darating na halalan.
Ayon sa COMELEC – tatawagin nila itong ‘Task Force KKK’, ‘o ‘yung Task Force Katotohanan, Katapatan, at Katarungan.
Sabi ng poll body, pangunahin nitong layunin na mapangatawanan ang katotohanan, at maiwasan ang pagpapakalat ng mga fake news.
Ang Task Force KKK ay ang siyang magmo-monitor sa ‘quad-media’ kabilang ang radyo, telebisyon, print, at online para masigurong pawang katotohanan lamang ang mapalalabas dito.
Tutulong din ito sa pagsugpo sa malinformation lalo na sa panahon ng pagkalat ng deepfake at maling paggamit ng artificial intelligence.
Umapela naman si COMELEC chairperson George Garcia sa mga karampatang sektor na makiisa at makipagtulungan para rito.
