Muling humingi ng paumanhin ang global cybersecurity firm na CrowdStrike sa lahat ng mga apektado ng kanilang shutdown.
Kung maaalala kasi – ang naging sanhi ng outage ay isa lamang software update sa kanilang programa.
Nag-trigger ito ng ilang mga ‘blue screen’ sa mga computers na naka-subscribe dito, lalo na ‘yung mga machines na ginagamit sa iba’t ibang mga negosyo, at public services.
Kabilang na diyaan ang ilang mga logistics and courier services; at ilang mga flights; kaya naman sa buong mundo ito nararanasan.
Sa ngayon, iniulat ng ilang mga paliparan sa ibang bansa na unti-unti na nilang nare-restore ang mga cancelled flights nila.
Sa kabila nito – may mga fights pa rin sa NAIA na apektado.
Nag-abis naman ang mga airline companies na i-check na ngayon ang status ng mga biyahe ng kanilang mga pasahero.
Mayroon ding inialok na mga option ang mga kumpanya, gaya na lamang ng libreng rebooking.
