Dugang naman ang pagkurisong sang nawong sang mga konsumidor matapos nga nag-anunsyo ang Capiz Electric Cooperative, Inc. nga may pagsaka nga 43 sentimos sa taripa sa bulan sang Hulyo 2024 nga nagdangat na sang P14.6108 kada kilowatt hour.
Pila sa mga ginalantaw nga rason sang pagtaas amon ang pagtaas sang generation rate, system loss, kag pagtaas sang taripa sa Panay Energy Development Corporation kag Green Core Geothermal Incorporarted.
Gin-athag man sang ahensya nga wala ini sang kontrol sa presyo sang merkado bangud ginadikta ini sang mga power supplier, samtang nagapabilin naman ang Distribution Supply and Metering (DSM) Charges sa P1.6109 kada kilowatt meter nga wala sang pagbaylo sa sulod sang 12 tubtob 15 na ka tuig.|Frances Joy Preciosa
