Nangayo og dispensa ang Task Force Davao ngadto sa mga pamiya sa duha nga namatay sa nahitabong disgrasya sa Bankerohan ning syudad sa Davao bisperas sa pasko, pasado alas-5:30 sa buntag, Disyembre 24, 2023.
Giako sa Task Force Davao ang tanang responsibilidad ug nakig-coordinate na usab sila sa mga pamilya sa biktima.
Nakigtambayayong usab sila sa Davao City Police Office ug San Pedro Police Precinct sa nasangpit nga sitwasyon.
Samtang, gipasalig sa TF-Davao ngadto sa publiko nga nagtrabaho sila aron nga masigurong malinawon ug hapsay ang syudad sa Davao, dungan sa pagpangayo og pasaylo sa nahitabong insedente.
