Sa kabila ng pagtutol ng ilan dahil sa tila minadaling proseso, itinuloy ng Taiwan ang pagtuturok ng domestically developed COVID-19 vaccine.
Binigyan kasi ng authorization ng Health Ministry ng Taiwan ang emergency use ng Medigen vaccine noong nakaraang buwan kahit hindi pa tapos ang clinical trial nito.
Una na kasing naantala ang vaccination efforts ng Taiwan dahil sa delayed na delivery at pagdadalawang-isip magpabakuna ng marami sa kanilang mamamayan.
Nanguna naman si President Tsai lng-wen sa mga recipients ng Medigen vaccine.
Sa kabila ng pagsisimula ng pagbabakuna, kailangang ituloy pa rin ng Medigen Vaccine Biologics Corp ang phase 3 ng clinical trials.
Binigyang diin ng kompanya na walang major safety concerns lalo pa at base sa mga pag-aaral, kahalintulad ng AstraZeneca vaccine ang nagagawa nitong antibodies.
Inaasahan namang matatapos ang final round ng trials na ginagawa sa Paraguay sa katapusan ng taon.
