NAGPAGAWAS og yellow warning ang Pagasa Gensan kaganihang kaadlawon gumikan sa posibling epekto sa bagyong Odette nga nagapadulong sa Visayas area.
Sa pahayag ni Pagasa Gensan Chief Meteorological Officer Beinrio Binian sa Brigada sumala niini nga kusog nga ulan ang posibling masinatian sa taga Gensan ug sikbit lugar gumikan sa bagyo nga nagadala og kusog nga hangin ug lapad ug baga nga mga panganod.
Tungod sa posibling kusog nga ulan sa unsa man nga oras lauman ang mga pagbaha sa kabukiran og daplin sa mga kasapaan mao nga angay nga magbantay ang mga katawhan.
Gumikan usab niini ang Barangay City Heights pinaagi ni Kagawad Richard Casabuena nigamit kini og megaphone aron pahibal-on ang mga kaytawhan nga namuyo daplin sa sapa sa Silway nga mag-amping ug dili paadtuon ang mga kabataan daplin sa sapa kay bisan unsa nga oras moulan ug mobaha subay sa pahimangno gikan sa Pagasa Gensan.
Sumala kay Casabuena mas maayo nga mas sayo makabantay na ang katawhan kaysa ma-ulahi na ang tanan kay anaa sa ubos nga bahin ang PI 16 ug daplin usab sa dakung sapa. I Ver Diazon
