TAKDANG magpahigayon og special session ang mga konsehal sa Gensan karong adlawa aron nga tukion ang pagpa-aproba sa bonus sa mga regular ug job order nga empleyado sa LGU.
Kini ang gikumpirma ni Kagawad Jose Edmar Yumang ug ginalauman nga anaa sa P12,000 pesos ang madawat sa mga Job Order apan dili pa matino ang sa bahin sa mga regular nga empleyado.
Hinuon gikanayon niini nga ang nakita pa lang sa budget office ang anaa sa P17-mil hangtod sa P18-mil pesos ug pangitaan pa og paagi aron nga makab-ot ang P25-mil pesos maong ginakulang pa og mga P7-mil pesos aron nga makab-ot ang maong kantidad.
Pinaagi sa maong sesyon unya masayran na ang penal nga madawat sa regular nga mga trabahante nga ang maong kwarta ang pagakuhaon sa surplus sa syudad. I Danny Casi
