BOLUNTARYO nga nagpatala sa Makar Police Station ang usa ka negosyante nga tag-iya sa usa ka sakyanan nga gisakyan sa gi-ambush sa Barangay Kalumamis, Guindulungan, Maguindanao aron isugilon kung ngano nga nakaabot sa maong lugar ang iyang sakyanan.
Subay sa talaan sa presento dos nagpatala si Alnur Pangkoh Jikril, 45- anyos, minyo, negosyante nga taga Purok 11, Lanton, Brgy. Apopong, nga sumala pa nga siya ang tag-iya sa usa ka sakyanan nga Ranger, kolor itom may plaka nga LAC 6907 nga usa sa gisakyan sa mga biktima sa ambush.
Sa impormasyon gikan kay Jikril usaka nagpangalang Bahnaren Lumalag, 33-anyos, minyo nga taga Doña Soledad, Labangal ang nagrenta sa sakyanan.
Gidugang sa negosyante nga siya ang tag-iya sa Sitti Car Services and Parties, gisultihan daw siya sa iyang pintor nga naapil sa ambush ang nagrenta sa iyang sakyanan sa Maguindanao.
Samtang sa paghinabi sa 89.5 Brigada News FM GenSan kay Jikril gikumperma niini ang mao nga impormasyon gipakita usab niini ang ilang Car Rental Contract, gikuha ang sakyanan sa ilang balay alas otso y media sa gabei, Pebrero 11 sa Lanton, Brgy. Apopong, GenSan ug ang destinasyon sa Dalican Dos unya ibalik ang sakyanan Pebrero 12, 2022.
Ikaduha na usab daw kini ka higayon nga nakarenta si Lumalag kay Jikril apan laing sakyanan ug lain ang tumong sa byahe, samtang plano usab sa negosyante nga kuhaon ang iyang sakyanan kon nahuman na ang imbestigasyon sa otoridad. I Ver Diazon
