Ro mga panawagan it mga jeepney operators ag drivers sa taas pasahe sa mga pampubliko nga saeakyan hay maeayo nga matabo, base raya kay Director Richard Osmeña it Land Transportation Franchising and Regulatory Board (LTFRB) Region 6.
Nakaabot sa atensyon ni Department of Transportation secretary Arthur Tugade ro petisyon halin sa tatlo ka mga transport group nga nagahinyo sa pagtaas it pasahe bangud sa pagtaas presyo it petrolyo.
Base kay Osmeña, nagtao si Tugade it mga alternatibo nga pamaagi para malikawan ro pagtaas it pamasahe. Raya hay ro subsidy it gobyerno sa mga driver ag pagtaas it kapasidad it mga pasahero sa pampubliko nga transportasyon.
Magataeana ro Department of Budget and Management (DBM) it P1 bilyong fuel subsidy sa mga driver it pampubliko nga saeakyan.
Sa Lunes, Nobyembre 8, mapaguwa ro LTFRB ag DOTR it mga guidelines para sa pagpanupod it mga fuel subsidy./JIL B. LACSON
