Gideklarar na nga ipaubos sa “state of calamity” ang tibook syudad sa Canlaon tungod sa pagbuto sa bulkan kanlaon milabay nga las 6:51 sa gabie, Hunyo 3, 2024
Kini human gi-hangyo ni Canlaon City Mayor Jose Chubasco “Batchuk” Cardenas kinsa mao usab ang chairman sa CDRRMC pinaagi sa usa ka LDRRMC Resolution No. 5 nga nag-rekomendar sa pagpailawum sa tibook syudad sa “state of calamity ” tungod sa maong panghitabo.
Subay niini, mipahigayon og special session ang mga membro sa konseho lokal sa maong dakbayan sa pagpanguna ni City Vice Mayor Diego Santiago Sr. ug napasar ang resolution no. 123 series of 2024 nga nag-adoptar sa hangyo sa CDRRMC ug gideklarar ang tibook syudad nga ipaubos sa “state of calamity”
Sigon sa resolusyon, isip usa ka “Agricultural City” gibasehan sa pagdeklarar mao ang dako nga epekto sa panginabuhian sa mga katawhan ilabi na sa sektor sa mga mangunguma kinsa maoy labing apektado sa panghitabo
Ang pagdeklara sa “state of calamity” sa syudad ang naghatag og pahanugot sa gobyerno lokal nga gamiton ang “Quick Response Fund” nga kinahanglanon sa panahon sa kalamidad og emerhensya alang sa mga katawhan.
