LEGAZPI CITY – Pighayag kan Land Transportation Office (LTO) Bicol na buminaba an numero kan mga Unregistered Motorcycle Vehicles sa rehiyon.
Sa press conference kasuudma sa syudad nin Legazpi, sinabi ni LTO Bicol Regional Director Francisco Ranches, Jr. na puon kan bulan nin Enero sundo Abril ngunyan na taon, nasa 66,850 an total na numero kan delinquent motor vehicles and motorcycles registered, kun sain 11,806 an motor vehicles mantang 55,044 an motorcycles.
Sinabi pa kaini, haros kabanga an binaba kan numero kan unregistered vehicle, kun sain hale sa 609,466, nasa 344,616 na ini ngunyan asin an nahiling ninda na huli ini sa mga programa kan opisina manungod sa road safety nganing mabawasan an numero kan mga aksidente sa tinampo.