Nakipagpueong ro Iloilo City Government sa mga representante it water utilities bilang pagpahaum sa ginaeauman nga El Niño makarun nga Hunyo.
Ginhayag ni Iloilo Mayor Jerry Treñas, nga posibleng mabuhinan it El Niño ro suplay it tubi sa masobra 20 barangay sa syudad.
Ginpahayag pa nga ginatapos eon it Metro Pacific Iloilo Water (MPIW) ro pagbalik it mga deep well nga ginaeauman nga magatao it dugang nga limang milyong litro kada adlaw sa masunod nga buean.
Ro South Balibago Waterworks nga naga problema makarun sa water distribution, hay nagpromisa nga igabalik ro suplay it tubi sa mas madali nga panahon.
Sa parte man it city government, magabakae raya it tanker ag magagamit it gray water o domestic wastewater nga pagaboe-on halin sa distrito it La Paz ag wastewater treatment plants halin sa mga hotel ag establisyemento para sa pagbunyag it mga tanum. // ANN DESLENE SALAZAR
