Hinatulan ng pitong taong pagkakakulong ng Myanmar junta ang napatalsik na civilian leader na si Aung San Suu Kyi dahil sa katiwalian matapos ang labing walong buwang paglilitis sa kanya.
Si Suu Kyi ay nahatulan ng pagkakakulong dahil sa 5 counts ng katiwalain na may kaugnayan sa pagkuha at pagpapanatili ng isang helicopter na nagdulot ng pagkalugi sa estado.
Nakakulong na ito mula nang ibagsak ng militar ang kanyang gobyerno noong Pebrero 2021.
Napatunayan na rin itong nagkasala sa katiwalian matapos ang iligal na pag-import ng mga walkie-talkie at paglabag sa official sector act at nakulong ng 26 na taon.//CA
