NAKITAAN og probable cause sa City Prosecution Office ang suspek sa pagpatay kang Mam Yentez Quintoy, kanhing chief of staff sa Executive Office sa Brigada Group of Companies.
Matud ni Atty. Jegger Cordero nga may nadawat sila nga resolusyon gikan sa City Prosecution Office pinetsahan niadtong July 26, 2021 asa nakitaan og probable cause ang suspect ug maduso ang kaso ngadto sa korte.
Giklaro ni Atty. Cordero nga may 15 ka adlaw usab ang suspek nga si Gerald Sorabia nga tubagon ang complaint.
Ang probable cause wala usab daw nagpasabot nga guilty na ang suspek apan may puruhan nga nahimo ang krimen ug kinahanglan niining matubag.
Hatagan usab og due process ang suspek kung maduso na ang kaso sa korte. Kahibaluan nga gipusil si Mam Yentez niadtong June 4 samtang kini ang pauli na sa ilang balay aron maniudto gikan sa Brigada main complex sa gituohang riding in tandem suspects.
