Detained sa makaron sa Kalibo Municipal Police Station ru gina turo nga suspek sa pagbuno sa daywa (2) mga binatilyo sa sangka bar sa Brgy. Andagao, Kalibo, Aklan.
Nakilaea ru suspek nga si Lanilo Berdandino, 27 anyos ag residente it Brgy. Cabayogan, Malinao, Aklan.
Suno sa suspek, gin korsunadahan sanda it grupo ku mga biktima rason nga nagguwa lang sanda sa bar apang gin sundan gihapon it grupo ku mga biktima.
Aminado ru suspek nga bukon it ana ru siyaw kundi napueotan na sa karsada ag anang gin depensa sa sarili kontra sa grupo it mga biktima.
Kun matandaan, binuno sigun it suspek ru daywang mga binatilyo nga sanday Kyle Palmon, 19-anyos, residente it Brgy. Caano, Kalibo ag Charlie Villanueva, 18- ag residente it Brgy. Baybay, Makato, Aklan.//MARIVIC Y. ILIN
