Hindi kailangan ng Pilipinas na maghanda para sa giyera sa alinmang mga dayuhang bansa.
Ito ang binigyang-diin ni National Security Council Deputy Director General Michael Eric Castillo kasabay ng tumitinding tensiyon sa pagitan ng Estados Unidos at China.
Ang dapat paghandaan sa ngayon ayon kay Castillo ay ang mga contingency measures sa banta na na posibleng maipit ang Pilipinas sa crossfire sa pagitan ng mga naglalabanang bansa.
Paliwanag ng national security official may mga flashpoint ng sigalot sa rehiyon kung saan malapit ang Pilipinas katulad ng Senkaku (Islands) sa Japan, isyu sa North Korea, hidwaan ng Taiwan at China at mayroon ding isyu sa West Philippine sea.”
Inihayag ni Castillo na ang kamakailang pagbisita ni US House Speaker Nancy Pelosi sa Taiwan ay “isa sa mga posibleng contingencies na kailangan paghandaan ng bansa.
