Giangkon sa suspek nga iya untang hilabtan ang 7-anyos nga batang babaye apan wala mahinayon sa usa ka abandonadong gasoline station sa Panabo City, Davao del Norte.
Sa pakighinabi sa Brigada News team sa suspek nga si Alyas Tyson, nagmahay sumala pa siya sa iyang gihimo, ug nasayod sumala pa siya nga sayop ang iyang gihimo sa bata.
Hugot sab nga gilimod ni alyas Tyson nga iyang nahilabtan ang bata.
Nangayo sab kini og pasaylo sa ginikanan sa bata sa iyang nahimo sanglit anaa sumala pa siya adtong gabhiona sa presensiya sa ilimnong makahubog hinungdan nga iya kadtong nahimo.
Apan desidido na ang pamilya sa biktima nga kasohan ang suspek.
Kahinumdoman nga gihaylo sa suspek ang 7-anyos nga bata nga palitan og pagkaon ug dulaan hinungdna nga niuban kini kaniya ug gidala sa abandonadong gasoline station sa Prk 5, Brgy. Sto. Niño, Panabo City ug didto nahitabo sumala pa ang pagmolestiya sigon ni Police officer Torres, imbestigador sa WCPD-Panabo City.
Maayo na lamang nga dunay mga residente ang nakadungog sa hilak sa bata ug narescue kini. Dali sab nila nga nadakpan ang suspek ug nakolatahan sa kalagot sa mga residente sa gihimo niini sa bata.
Samtang, gihikay na ang mga dokumento alang sa pagpasaka og kasong rape by sexual assualt in relation to child abuse batok sa suspek nga karon tingkagol na sa prisohan.
