PATAY ang tulisan human nga napusilan sa otoridad human misukol atol sa pagdakop niini sa Purok 6, Barangay Balingaeng, Tugbok District, Davao City, Oktubre 26, 2023.
Ang suspek nailang si Adriano Entrampas Dupa, 45, way trabaho ug residente sa Purok 4, Brgy. Biao Guinga.
Una niini, mireklamo sa Los Amigos Police Station ang usa ka Ryan Lothar Duyac sa nahitabong robbery sa Purok Fatima, Brgy. Biao Guinga, Tugbok ning syudad.
Sumala pa nga alas- 10:30 kagahapon sa buntag, samtang sakay ang pasahero sa motorcycle gikan KM. 20 Los Amigos padulong sa Biao Cutson via Brgy. Ula, ug pag abot sa Crossing Cebohley, Purok 4, Brgy. Biao Guinga, Tugbok Dist. nihunong ang driver dayon tion og armas sa pasahero ug mideklarang hold-up.
Gikuha sa suspek ang itom nga pouch sa biktima nga giundan sa P3,000 nga cash ug mga IDs.
Paspas sab nga misibat sa lugar ang suspek ug gibyaan ang biktima ug daling nagpakitabang sa kapulisan.
Gilayong naglusad og hot pursuit operation ang mga gingsakpan sa Los Amigos Police Station ug gipaalerto ang ubang istasyon alang sa pagsikop sa suspek.
Hinoon, nadakpan ang suspek sa dihang na flat ang ligid sa iyang payong payong sa may Purok 6, Barangay Balingaeng, Tugbok District.
Sa dihang nagpaila ang kapulisan, inay nga mukooperar, mibunlot hinoon kini og .38 caliber revolver hinungdan sa nahitabong pinusilay nga miresulta sa kamatayon sa suspek.
Nakuha sa crime scene ang usa ka cartridge case sa caliber .9mm., usa ka unit sa caliber .38 revolver, duha ka fire cartridge case ug tulo ka ammunitions ug ang motorcycle niini.
Nakuha sab sa mga butang sa suspek ang gituohang shabu nga mutimbang og 1.6 grams nga mukantidad sa kapin kon kulang P12, 800.
