NAGA CITY – Hindi pa rin nakakapaglaot sa ngayon ang ilang mangingisdang nagsusupply ng isda sa bayan ng Sagñay, Camarines Sur kaya apektado ang supply sa merkado.
Ito ang napag-alaman ng Brigada News FM Naga kay Myrna Sinaon, Municipal Agriculture Officer.
Aniya maliban sa maalon pa , kakaunti pa ang mga nahuhuling isda kaya lugi sa gasolina; napipilitan ang ilan na huwag na munang pumalaot sa ngayon.
Sa ganitong sitwasyon, apektado naman ang mga fish vendor maliban kasi sa kulang ang supply ng isda, mataas rin ang bili nila sa mga ito kaya naman dagdag presyo rin sila ng nasa P5.00 hanggang P10.00 bawat kilo.
Ilan nga sa mga isdang nahuhuli sa bayan ay ang yellow fin na nasa ₱330.00 kada kilo, pundahan ₱280.00, burao-burao ₱200.00-₱250.00 at matam baka na nasa ₱300.00 bawat kilo kapag nasa sentro na ng bayan.
