Ginmartilyo it 16-anyos nga sultireto sa Anini-y, Antique ro anang nanay hasta raya nga mamatay samtang ninahan man ro anang tatay.
Ro 52-anyos nga si Mildred Datuin it Barangay Magdalena, Anini-y hay namatay bangud sa matindi nga nina sa anang ueo. Ro anang asawa nga si Rolly, 49, hay presente nga nagapabuoeng sa ospital.
Base sa report it Anini-y Police Station, bigla eang nga nag-wild ro sultireto ag gin-atake ro anang nanay. Sa mga inoras ngara ro mag-nanay eang sa panimaeay.
Pag-uli ni Rolly, gin-atake man raya it anang unga.
Base sa impormasyon it mga otoridad, mabahoe ro posibilidad nga na-pressure segun ro bata sa anang modules; kapin pa nga ro anang mga ginikanan hay pirme imaw nga ginakulit agud tututkan ro anang pag-istudyo.
Matapos ro insidente, nagpalagiw ro sutlireto pero hadakpan man raya it mga kapulisan. Gin-turn over raya sa Municipal Social Welfare and Development Office.
Base pa sa kumpirmasyon it Anini-y Police Station, kinahangean it sultireto it psychiatric intervention bangud medyo bukon eun it manami ro mental nga estado it unga./JIL B. LACSON
