NAGLAOM ang mga lokal nga opisyal sa Sarangani Province nga mapasar sa kongreso ang sugyot balaudnon nga magdeklara sa Mt. Busa isip protected landscape.
Kini gumikan sa presensiya sa critically endangered nga Philippine Eagle sa probinsiya ug naa sa 600 ka mga wildlife.
Sa bahin ni Governor Ruel Pacquiao giangkon niini nga kung mapasar ang giduso nga sugyot sa kongreso masiguro nga maprotektahan ang Mt.Busa nga giilang the last frontier.
Una nang, miapela si Fr. Angel Buenavides, Vicar General sa Diocese of Marbel ngadto sa mga opisyal sa Sarangani Province nga angayang mapasar ang sugyot balaudnon.
Tumong maprotektahan ang mt.busa sa posibleng kadaut niini sama sa pag-mina ug ubang iligal nga aktibidad nga mahimong bahad sa mga endangered species sama sa mga tarsier ug uban pa.
Ang Mt. Busa ang dunay 114,000-hectare nga iladong puy-anan sa philippine eagles ug makita kini sa Maasim- Kiamba ug Maitum sa probinsiya. I Richel Gubalani
