San Jose, Antique – Nagahurikap kang maramig nga rehas kadya si Michael Benson Requintina, 29 anyos, matapos madakup sa ginpatigayon nga buy-bust operation kang San Jose MPS, PDEU Antique kag PDEA Antique PO, las-10:17 kagabi-i, Hunyo 4, 2024 sa Brgy. Madrangca, San Jose, Antique.
Nabuol sa suspek ang kapin 4 grams kang ginapatihan shabu balor P26,000 nga ginabug-usan naman kang 1 heat- sealed transparent plastic sachet nga amo ang buy-bust item; 3 ka heat- sealed transparent plastic sachets, kag P1,500 nga buy-bust money.
Rugyan sa kustodiya kang San Jose MPS ang nasambit nga persona kag nakatalana pasakaan kang kaso tuhoy sa iligal nga droga.
Photo: Monette Del Rosario
