LUYO sa pagpadayong pagkatala sa bag-ong kaso sa Covid-19, ipadayon sa organizers ang usa ka bulan nga selebrasyon sa Tuna Festival sa GenSan ug ipadayon street dancing competition ug float parade.
Sa opisyal nga listahan sa mga aktibidad nga gipagawas sa organizers Martes ang street dancing ug float parade ang ipahigayon sa Oval Plaza isip kabahin sa opening salvo sa festival.
Ang festival culmination ang mitiming sa pormal nga inagurasyon sa siyudad nga gideklarang atong 1968 ni kanhi President Ferdinand Marcos. Sa opisyal social media page sa LGU-GenSan, nanawagan kini sa mga makigduyog sa festival nga hugot sundon ang health protocols batok Covid-19.
Sa datus sa Department of Health (DOH-12) ang GenSan dunay 85 active covid-19 case human nadugang ang upat ka bag-ong kaso sa virus. Kahibaloan nga nahimong virtual ang selebrasyon sa festival sa duha katuig dungan sa pag-igo sa Covid-19 pandemic. I Richel Gubalani
Photo CTTO
